Курс туралы
Бұл курс робототехника бағытында түрлі деңгейдегі байқаулар мен жарыстарға (WRO) дайындық мақсатында ұйымдастырылған. Оқушылар зерттеу, жобалау және инженерлік құрастыру жұмыстарымен айналысып, EV3 Lego Mindstorms және Spike платформаларында бағдарламалау дағдыларын меңгереді. Курс оқушылардың интеллектуалдық, сыни, зерттеушілік және шығармашылық қабілеттерін дамытуға бағытталған.
Курс барысында оқушылар техникалық жобалар құрастырып, зертханалық тәжірибелер жүргізеді, шығармашылық өнімдер әзірлейді, топта жұмыс істеуді, дұрыс шешім қабылдауды және креативті идеяларды жүзеге асыруды үйренеді.
Оқытудың мақсаты: робототехника саласында құрастыру, бағдарламалау және жобалау дағдыларын қалыптастыру, ғылымға қызығушылықты арттыру.
Міндеттері: инженерлік қабілеттерді дамыту, жобалау және модельдеу дағдыларын қалыптастыру, мәселелерді талдау және тиімді шешім алгоритмдерін құруға үйрету, WRO жарысына дайындау.
Күтілетін нәтиже: оқушылар робототехника жобаларын құрастыру ерекшеліктерін біледі, жобалау кезеңдерін түсінеді, роботтарды құрастырып, бағдарламалауды және тәжірибелер жүргізуді үйренеді.