Бұл семинар-практикум жалпы білім беретін мектептерде шығармашыл оқушылармен жұмыс жүргізетін, факультативтік үйірме түрінде медиа сабағын ұйымдастыруды көздейтін ұстаздарға, тәрбиешілерге, ассистент-педагогтер мен жас мамандарға арналады. Практикум барысында қатысушылар мектеп жағдайында оқушылар медиа студиясын құрудың негізгі кезеңдерімен, оның құрылымы мен жұмыс формаларымен, сондай-ақ медиа білім берудің заманауи тәсілдерімен танысады.
Семинардың практикалық бөлімінде қатысушылар бейнесюжет әзірлеу, сценарий жазу, түсірілім процесін ұйымдастыру, камерамен жұмыс жасау, бейнематериалды өңдеу және монтаждау сияқты негізгі медиадағдыларды меңгереді. Сонымен қатар мектеп өмірін насихаттауға арналған ақпараттық және танымдық бейнематериалдарды дайындаудың тиімді әдістері қарастырылады.
Егер мектептеріңізде дербес оқушылар медиа студиясының жұмыс жасағанын қаласаңыз, бұл практикум шәкірттеріңіздің бойында сын тұрғысынан ойлау, көпшілік алдында еркін сөйлеу, мақала жазу, бейнематериал түсіру және оны өңдеу дағдыларын қалыптастыратын талантты әрі еңбекқор балалардың жаңа буынын тәрбиелеуге бағытталған.
Практикум нәтижесінде қатысушылар мектептерде медиа студия жұмысын ұйымдастырудың нақты үлгілерімен танысып, оны оқу-тәрбие процесінде тиімді қолдану бойынша әдістемелік ұсыныстар алады.
