Информатика пәні – тек бағдарламалау дағдыларын ғана емес, логикалық ойлау, бірлескен жұмыс, креативтілік сияқты қабілеттерді дамытатын пән. Сондықтан бұл сабақтарда әрбір оқушыға қолайлы жағдай жасау аса маңызды. Вебинар барысында мұғалімдер:
- инклюзивті білім берудің негізгі принциптерін талқылайды;
- информатика сабағында ерекше білім беру қажеттіліктері бар (ЕБҚ) оқушыларды қолдау жолдарын қарастырады;
- сараланған тапсырмалар, цифрлық құралдар және визуалды қолдау әдістерін қолдануды үйренеді;
- пәндік терминологияны меңгеруде, бағдарламалау тапсырмаларын орындауда, топтық жобаларға қатысуда әртүрлі деңгейдегі оқушыларды белсенді тартудың тиімді тәсілдерін талқылайды;
- мұғалімнің кәсіби тәжірибесіне енгізуге болатын нақты практикалық шешімдер жиынтығын алады.
Вебинар практикалық бағытта өтеді: қатысушылар талдау, топтық жұмыс және үлгілік тапсырмалар арқылы өз тәжірибесінде қолдана алатын әдістерді меңгереді.
