Вебинар тарих пәні мұғалімдерінің кәсіби шеберлігін арттыруға бағытталған. Бағдарлама «Тарихтағы тұлға» элективті курсын оқыту әдістемесін меңгеруге арналған және оны 9–10 сыныптардың вариативті оқу жоспарына енгізу жолдарын қарастырады. Сабақтар интерактивті форматта өткізіледі. Қатысушылар дәріс пен практикалық тапсырмаларды ұштастыра отырып, заманауи белсенді оқыту әдістерін меңгереді: пікірталас, дебат, жобалық-зерттеу жұмысы, тарихи дереккөздер мен көркем мәтіндерді талдау, бейне материалдармен жұмыс, жұптық және топтық іс-әрекет. Практикалық бөлімде мұғалімдер өз сабақтарының жеке сценарийін әзірлейді. Вебинар педагогтердің әдістемелік әлеуетін арттырып, тарихты оқытуда оқушылардың танымдық қызығушылығы мен зерттеушілік қабілеттерін дамытуға мүмкіндік береді.