Конференция математиканы оқытудағы өзекті мәселелерді талқылауға, мұғалім зерттеулерінің нәтижелерімен бөлісуге және республика көлемінде кәсіби тәжірибе алмасуға арналған диалог алаңы болып табылады. Бағдарлама пленарлық отырысты және келесі үш бағыт бойынша секцияларды қамтиды: 1) «Математиканы оқыту әдістемесі: жаңа тәсілдер мен тиімді тәжірибелер», 2) «Математикалық сауаттылық: қалыптастыру, дамыту және бағалау», 3) «Математикалық білім берудегі цифрлық трансформация және мұғалімнің зерттеушілік мәдениеті». Конференция аясында математикалық сауаттылықты дамыту, саралап оқыту, критериалды бағалау, Lesson Study, Action Research, сондай-ақ жасанды интеллект құралдары мен цифрлық платформаларды сабақта тиімді қолдану мәселелері қарастырылады.