Сабағыңызда оқушыларға «Өзім байқап көрсем бола ма?» дегізетін не?

Информатика сабағында оқушының қызығушылығын оятатын тәсілдің бірі — өзі өзгерте алатын шағын нәтиже көрсету. Мысалы, компьютерлік графикада қарапайым сурет жасап, «Осыны өз қалауыңша қалай өзгертер едің?» деп ұсынуға болады.

«Түсін, пішінін, кейіпкерін өзің таңда. Қателессең, қайта жасап көресің» деген сөздер оқушыға еркіндік береді. Өз идеясын жүзеге асыру мүмкіндігі оның «Өзім байқап көрсем бола ма?» деген ынтасын оятады.

Әріптестер, сіздердің сабақтарыңызда оқушыларды өздігінен әрекет етуге қандай тапсырмалар қызықтырады?