Еңбек жолыңыздың алғашқы жылында сабақ үстінде жиі айтып, қазір мүлде қолданбайтын сөзіңіз қандай?
«Мен айттым ғой, солай орындаңдар!» – қазір бұл сөзді қолданбаймын. Өйткені балаға дайын нұсқау беруден гөрі, өз бетінше ойланып, шешім қабылдауға мүмкіндік берген дұрыс екенін түсіндім.
Оқушы «Мұны не үшін оқуымыз керек?» деп сұрағанда, қандай жауапты ішіңізден ғана айтасыз?
Менің ішімнен ғана айтатын жауабым:
«Бұл білімді бала ертеңгі өмірінде қолдана алуы үшін, өз ойын еркін жеткізіп, дұрыс шешім қабылдап, ешкімге тәуелді болмай, өз жолын табуы үшін оқимыз. Бірақ мен оған мұны құр сөзбен емес, өмірмен байланыстырып көрсетуім керек».
Ал оқушыға дауыстап айтатын жауабым:
«Мұны сен өмірде өзіңе қажет кезде қолдана алуың, ақылды шешім қабылдап, арманыңа бір қадам жақындай түсуің үшін оқимыз!»