Бұл семинар оқу ісі жөніндегі директордың орынбасарлары мен әдістемелік бірлестік жетекшілерінің құзыреттерін дамытуға бағытталған. Негізгі мақсат – оқу жетістіктерін, БЖБ және ТЖБ нәтижелерін тиімді талдау арқылы білім сапасын арттыруға негізделген басқарушылық шешімдер қабылдау тәжірибесін қалыптастыру. Қатысушылар білім сапасының негізгі көрсеткіштерімен (үлгерім, білім сапасы, вариация коэффициенті, қосымша құн және т.б.) танысып, Excel және Power BI құралдарын қолдана отырып нәтижелерді талдау әдістерін меңгереді. Сонымен қатар, мәліметтерді визуализациялау және аналитикалық анықтамалар әзірлеу дағдыларын жетілдіріп, сандық деректерді басқарушылық шешімдерге айналдыру қабілетін дамытады. Семинар нәтижесінде мектеп деңгейінде білім сапасын мониторингтеу жүйесін құруға қажетті практикалық білім мен әдістемелік негіз қалыптасады.
