Сәлеметсіздерме! Мен – Ербатырова Айжан Жұмабайқызы, Талдықорған қаласындағы ПШО филиалының сертификатталған, тартылған тренермін. Жалпы білім беретін мектеп мұғалімдерінің біліктілігін арттыру саласында 7 жылдан астам қосымша қызмет етіп, мол тәжірибе жинақтадым. Осы кезеңде мен республиканың 600-нан астам мұғалімін оқытып, 4 білім беру бағдарламасы бойынша педагогтердің біліктіліктерін арттыру курстарын өткіздім. 2016 жылы ҚР орта білім мазмұнын жаңарту шеңберінде «Физика» пәні бойынша педагог кадрлардың біліктілік арттыру білім беру бағдарламасы бойынша оқып, тренер дәрежесін алдым. 2018 жылы ҚР орта білім мазмұнын жаңарту шеңберінде «Физика» пәнінен «Бағалау тапсырмаларын әзірлеу және сараптау» бойынша, физика пән мұғалімдерін оқытып, тренері болдым. 2022 жылы «Мектептегі физика сабағы: басымдықтар және жетілдіру стратегиялары» педагогтердің біліктілігін арттыру білім беру бағдарламасы бойынша курс тренері болып, мұғалімдерге дәріс бердім. 2023 жылы Қазақстан Республикасының педагогтерінің біліктілігін арттыру курстары шеңберінде оқу тәжірибесін бағалау рәсімдерінен өтіп, сертификатталған тренер болдым. Курс тыңдаушылармен оқу кезеңінде мен физика пәнін оқыту дағдылары мен қатар кәсіби дәрежелерін практикамен ұштастыра оқытуға, білім алушылармен тиімді қарым-қатынас орнату бағыттарына да аса назар аударамын. Сіздерді кәсіби біліктіліктеріңізді жоғары деңгейде арттыруды қамтамасыз ететін оқу курсына қатысуға шақырамын!