Сәлеметсіз бе, мен Ошақбаева Аманкүл Әлдибекқызы, Талдықорған қаласындағы ПШО филиалының қазақ тілінде оқытатын сертификатталған тренерімін. Жалпы білім беретін мектеп мұғалімдерінің біліктілігін арттыру саласында 12 жылдан астам жұмыс істеп келемін. Осы кезеңге дейін 14 білім беру бағдарламасы бойынша республиканың 2500-ден астам педагогтарын оқыттым. Мен Жетісу өңірінің жалпы білім беретін мектептерінің тәжірибесіне «Lesson Study» әдісін енгізу бойынша үйлестірушімін. «Lesson Study» бағдарламасын жүзеге асыру бойынша 3 әдістемелік құралдың авторымын, ал, математика пәнінің мұғалімі ретінде «Математика» пәнінің әр саласын қамтыған 3 әдістемелік құралдың авторымын. 2023 жылы мемлекеттік колледждердің оқытушыларын даярлауға арналған «Колледжде математиканы оқыту: басымдықтары мен жетілдіру стратегиялары» атты білім беру бағдарламасын әзірлеу бойынша жұмыс тобында болдым. ПШО Сараптамалық Әдістемелік Кеңесінің мүшесімін. Жалпыға бірдей білім беретін мектептерден тартылған 16 тренердің тәлімгерімін. Курс тыңдаушыларын оқыту кезеңінде жайлы оқу ортасын құруға, кез-келген мәселені өмірмен байланыстырып қарастыруға, тыңдаушылардың қажеттіліктерін қанағаттандыратындай заманауи әдіс-тәсілдерді тәжірибеде қолданып көрсетуге баса назар аударамын. Егер Сіз қарқынды дамып келе жатқан XXI ғасырдың оқушыларын оқытуда тиімді әрі сапалы мұғалім болғыңыз келсе, өзіңіздің кәсіби құзіреттілігіңізді арттырғыңыз келсе, онда өзіңізді қызықтырған бағдарламаларды таңдап, курста оқуға шақырамын!