Бұл курс менің кәсіби көзқарасымды кеңейтіп, сабақ беру тәжірибеме жаңаша қарауыма мүмкіндік берді. Курс барысында Lesson Study үдерісін жүйелі ұйымдастыруды, зерттеу мәселесін нақтылауды, оқушының оқуын бақылауды және оны нақты деректер арқылы талдауды үйрендім. Роза Гайдаровна, Сізге ерекше алғысымды білдіремін! Сіздің әр сабағыңыздан талап пен тәртіпті, терең білім мен шынайы жанашырлықты қатар сезіндік. Бізге дайын жауап ұсынбай, өзіміз ойлануға, дұрыс сұрақ қоя білуге, талдауға және қорытынды жасауға бағыттадыңыз. Әр тыңдаушыға уақыт бөліп, әр сұрағына мән беріп, бар білгеніңізді аянбай түсіндіргеніңіз үшін алғысым шексіз. Сіздің талапшылдығыңыз бізді ізденуге жетелесе, қолдауыңыз өзімізге деген сенімімізді арттырды. Бірге білім алған әріптестеріме де рақмет! Пікір алмасып, тәжірибемізбен бөлісу арқылы бір-бірімізден көп нәрсе үйрендік. Бұл курс менің кәсіби ізденісіме жаңа бағыт беріп, алдағы сабақтарыма саналы өзгерістер енгізуге үлкен серпін берді. Роза Гайдаровна, еңбегіңіз бен біліміңізді шәкірттеріңізге аянбай арнағаныңыз үшін рақмет! Сізге мықты денсаулық, шығармашылық шабыт, еңбегіңіздің жемісін көріп, әрдайым білім алуға құштар жандардың ортасында жүруіңізді тілеймін. Еңбегіңіздің әр күні өзіңіз берген білімдей мәнді әрі нәтижелі болсын! 🌱🫰
Lesson Study: зерттеу жүргізуден оқытуды жетілдіруге
Бағдарлама туралы
Бағдарламаның айырмашылығы оның сабақты зерттеудің толық циклін: оқу проблемасын айқындаудан және зерттеу сұрағын тұжырымдаудан бастап деректерді талдауға және сабақтың жетілдірілген нұсқасын әзірлеуге дейін практикалық тұрғыдан меңгеруге бағытталуымен айқындалады. Оның айрықша ерекшелігі дәлелдер негізінде сыныптағы оқыту сапасын талдауға және оқушылардың оқудағы қиындықтарын айқындау негізінде …
Бағдарламаның мақсаты
Оқушылардың оқуы туралы деректерді талдау негізінде сабақты зерттеу және педагогикалық өзгерістерді жобалау саласындағы Тыңдаушылардың кәсіби құзыреттілігін дамыту
Мақсатты аудитория
Мектеп мұғалімі
Бағдарлама мазмұны
Модуль 1 Оқыту сапасы зерттеу нысаны ретінде
Модуль 2 Сыныптағы оқу сапасы туралы деректерді бақылау және талдау құралдары
Модуль 3 Lesson Study нәтижелері бойынша сабақты жетілдіруді жобалау
Оқу нәтижелері
- тұтас сыныптың оқу сапасын оқушылардың оқу бағдарламасында белгіленген сабақ мақсаттарына қол жеткізу дәрежесі ретінде түсіндіре алады және оны сабақты зерттеу (Lesson Study) процесіндегі негізгі талдау нысаны ретінде айқындайды;
- сынып оқушыларының оқу мақсаттарына қол жеткізу дәрежесі туралы деректерді бақылау, жинау, тіркеу және талдау үшін Lesson Study сабақты зерттеу құралдарын қолданады;
- оқушылардың оқудағы қиындықтарын анықтау және сыныптың оқу сапасы туралы деректерді талдау нәтижелерінің негізінде сабақтың жетілдірілген нұсқасын жобалайды және негіздейді.
Өзіңізге қолайлы топты таңдаңыз
Казыгулова Гаухар
ПШО тренері
Сагадиева Кенжегуль
ПШО тренері
Балтабекова Анар
ПШО тренері
Дильманов Бауыржан
ПШО тренері
Уразбаева Акмарал
ПШО тренері
Бағдарлама рейтингі
Бұл курс мен үшін кәсіби тұрғыдан маңызды тәжірибе болды. Курс барысында Lesson Study үдерісін жүйелі ұйымдастыруды, зерттеу мәселесі мен сұрағын нақтылауды, оқушының оқуын бақылап, нақты дәлелдер арқылы талдауды үйрендім. Мен үшін ең маңызды түйін, оқушының тапсырманы орындауы оның оқу мақсатына толық жеткенін білдірмейтінін түсіну болды. Енді оқушының шынайы оқуын нақты деректер мен evidence арқылы анықтауға, сол дерекке сүйеніп келесі қадамды жоспарлауға мән беремін. Бұл түсінік сабаққа деген көзқарасымды өзгертті. Осы курс үшін Роза Гайдаровнаға шын жүректен алғыс айтамын. Бізге дайын жауап бермей, өзіміз ойлануға, талдауға, сұрақ қоюға және қорытынды жасауға бағыттадыңыз. Әрбір кері байланысыңыз бен қолдауыңыз біз үшін құнды болды. Сонымен қатар, бірге білім алған әріптестеріме де рақмет! Топтық жұмыстарда пікір алмасып, тәжірибемізбен бөлісіп, бір-бірімізді толықтырып отырдық. Бірлескен ізденіс маған жаңа көзқарастар мен пайдалы идеялар берді. Бұл курстан алған білімім мен тәжірибемді алдағы сабақтарымда қолданып, кәсіби ізденісімді жалғастырамын. Баршаңызға білім мен тәжірибе бөліскендеріңіз үшін үлкен рақмет!