«Өзгелерді үйрете жүріп, өзіміз де үйренеміз» деген қағиданы ұстанып, үнемі ізденіспен, шығармашылықпен жұмыс жасаймын. Өз тәжірибемді жетілдіру мақсатында жоғары оқу орындары мен мектеп мұғалімдерінен құралған «Оқулықтар, оқу-әдістемелік кешендер мен оқу-әдістемелік құралдар сипаттамасының нәтижелерін қарастыру және сынақтан өткізу комиссиялардың құрамында сарапшы болып, жаңартылған білім беру мазмұны бойынша 6,8,11-сыныптардың «Қазақ тілі», «Қазақ әдебиеті» оқулықтарына сараптама жасау жұмысына қатыстым. 2017 жылдан бері Атырау облысы бойынша Педагогикалық шеберлік орталығы өткізген қазақ тілді мектептердегі «Қазақ тілі» және «Қазақ әдебиеті» пәндер бойынша педагогика кадрларының біліктілігін арттыру курсында тренер болып, 300-ден астам мұғалімге курс өткіздім.