Гаухар Омарбековна Бузаубакова- Жетісу облысы білім басқармасының Талдықорған қаласы бойынша білім бөлімі мемлекеттік мекемесінің «№ 16 орта мектеп мектеп- гимназиясы» коммуналдық мемлекеттік мекемесінде 27 жылдық педагогикалық өтілі бар қазақ тілі мен әдебие пәнінің мұғалімімін.Сонымен қатар, Талдықорған қаласындағы ПШО филиалының (мектепте қызмет ететін)тренерімін. Жалпы білім беретін мектеп мұғалімдерінің біліктілігін арттыру саласында 2015 жылдан бастап қызмет етіп, мол тәжірибеге ие болдым. Осы кезеңде мен Алматы, Жетісу облысының қазақ тілі мен әдебиет пәндерінің мұғалімдерінің біліктіліктерін арттыруға арналған курстарын өткіздім. Қазақстан Республикасында орта білім мазмұнын жаңарту аясында критериалды бағалау жүйесін енгізу бойынша қазақ тілі мұғалімдерінің біліктілігін арттыру; орта білім мазмұнын жаңарту аясында критериалды бағалау жүйесін енгізу бойынша өңірлік және мектеп үйлестірушілерінің біліктілігін арттыру; Қазақстан Республикасында орта білім мазмұнынын жаңарту шеңберінде қазақ тілінде оқытылатын мектептердегі «Қазақ тілі» мен «Қазақ әдебиеті» пәндері бойынша «Бағалауға арналған тапсырмаларды әзірлеу және сараптау» біліктілігін арттыру; «Мектептегі «Қазақ тілі» мен «Қазақ әдебиеті» сабақтары:басымдылықтар және жетілдіру стратегиялары» тақырыптары бойынша педагогтердің біліктілігін арттыру курстарын өткізу арқылы өзімнің де,өзгелердің де кәсіби өсуіне жол салдым. 2023 жылы Қазақстан Республикасының педагогтерінің біліктілігін арттыру курстары шеңберінде оқу тәжірибесін бағалау рәсімдерінен өтіп, сертификатталған тренер болдым. Сіздерді кәсіби біліктіліктеріңізді жоғары деңгейде арттыруды қамтамасыз ететін оқу курсына қатысуға шақырамын!