Мен – Амренова Айнагуль Сарсембаевна, Павлодар қаласындағы ПШО филиалының сертификатталған тартылған тренерімін. Менің мақсатым – курс шеңберінде тыңдаушылардың кәсіби даму кеңістігін құру. Математика пәні мұғалімдеріне пән мазмұны мен оқыту әдістері бойынша құзіреттіліктерін жетілдіруде жолсерік боламын. Пәннің тереңдігін бірге зерттеп, сабақтарымызды ерекше және қызықты ету үшін шығармашылық тәсілдерді дамытамыз. Менің курстарым оқушылардың функционалдық сауаттылығының әлеуетін ашуға бағытталған, мұнда біз білім алушылардың күнделікті академиялық білімдерін өмірлік тәжірибеде қолдану дағдыларын қалай қалыптастыруға болатынын зерттейміз. Жарқын білім беру перспективаларын бірге жасайық! Сіздің кәсіби біліктіліктеріңізді арттыруда пайдалы болатын оқу курсына қатысуға шақырамын!