Автор: Калиханова Ш.Е.; Бейсенбаева А.С.; Мырзаев Д.Н.; Құдайберген Р.С.
Түпнұсқа тілі: қазақ
Басылған жылы: 2022
Баспа: «Назарбаев Зияткерлік мектептері» ДББҰ Педагогикалық шеберлік орталығы
Рубрика: Зерттеу
Калиханова Ш.Е.
Зерттеу дизайны. Биология. 10; 11-сынып: әдістемелік құрал/Ш.Е. Калиханова; А.С. Бейсенбаева; Д.Н. Мырзаев; Р.С. Құдайберген. – Нұр-Сұлтан: «Назарбаев Зияткерлік мектептері» ДББҰ Педагогикалық шеберлік орталығы; 2022. – 130 б.
ISBN 978-601-348-339-9
Әдістемелік құрал жалпы орта білім беретін мектептердегі жаратылыстану-математикалық бағыттағы 10; 11-сыныптарға арналған биология пәнінен жаңартылған оқу бағдарламасы негізінде жазылды.
Әдістемелік көмекші құрал мақсаты – білім алушылардың заман талаптарына сай білімдері мен біліктіліктерін дамыту; яғни зертханалық жұмыстарды тиімді ұйымдастыру арқылы оқушылардың функционалдық сауаттылығын қалыптастыру.
Әдістемелік құрал кіріспе; теориялық бөлім (практикалық жұмыс негіздері); тәжірибелік бөлім және қорытынды бөлімінен тұрады. Әр зертханалық жұмыста терминдер; оқыту материалы; зертханалық жұмысты жоспарлау; бағалау сұрақтары; қосымша ақпараттар ұсынылған. Сонымен қатар пайдаланылған әдебиеттер тізімі; кестелер; графиктер; суреттер берілген.
Жұмыстың аралық және қорытынды нәтижелерін ұсыну (апробациялау) формалары мен тәсілдері бойынша педагогтерге оқу-әдістемелік қолдау көрсету мақсатында республикалық Тамыз кеңесінде және «Республикалық тренер» оқу-семинарында шеберлік сағаттары өткізілген.
Әдістемелік көмекші құрал жалпы білім беретін мектептерде биология пәнінен сабақ беретін мұғалімдерге арналған.