Буллингсіз білім кеңістігі

1. 1. сабақта білім беру ұйымдарында жайлы және қауіпсіз ортаны қамтамасыз етуге бағытталған негізгі нормативтік-құқықтық талаптар қарастырылады. Мұғалімнің құқықтық жауапкершілігі, оқушының қауіпсіз білім алу құқығы және педагогтің кәсіби қызметіндегі міндеттері талданады. Қауіпсіз білім кеңістігін қалыптастырудағы педагогтің рөлі айқындалады. Оқытуда қолданылатын әдістер: нормативтік кейстерді талдау (мектептегі нақты жағдайлар негізінде); мини-тренинг «Мұғалімнің құқықтық жауапкершілігі» жүргізіледі.

2-сабақ барысында психологиялық қауіпсіздік пен эмоционалдық қолдаудың маңызы ашылады. Оқушылар арасында сенімге негізделген қарым-қатынас орнату, қолдаушы атмосфера қалыптастыру тәсілдері ұсынылады. Психологиялық ахуалдың оқу мотивациясына және мінез-құлыққа әсері қарастырылады. Оқытуда қолданылатын әдістер: психологиялық тренинг «Қауіпсіз сынып» және кейстік тапсырмалар (эмоциялық жағдаяттарды талдау)

3-сабақта сыныпты басқарудың заманауи, жазасыз және сындарлы тәсілдері қамтылады. Қақтығыстардың алдын алу стратегиялары, мінез-құлықты позитивті қолдау арқылы реттеу жолдары көрсетіледі. Мұғалім мен оқушы арасындағы өзара сыйластыққа негізделген басқару үлгісі талданады.

Оқытуда қолданылатын әдістер: тренинг «Қақтығысты басқару» және   іскерлік ойын «Сыныпты басқару стратегиясы»

4-сабақ буллингтің алдын алудың тиімді әдістері, мұғалімнің буллинг жағдайындағы әрекет алгоритмі және қолдаушы білім кеңістігін қалыптастыру тәжірибелері ұсынылады. Мектептегі буллингсіз мәдениетті дамыту жолдары қарастырылады және топтық жұмыс арқылы буллингтің алдын алу ережелерін әзірлейді.