Педагогикалық шеберлік орталығындағы 12 жылдық тәжірибем ол менің бүгінім. Құндылықтарым мен көзқарастарым, шешімдерім саналы да сауатты бола бастады. Сөз өнерін меңгердім. Кәсіби құзыретті маманның әрекеттерін жасай бастадым. Тренер мамандығының педагог қауымына жаңа идеяларды ұсына жүріп шеберіне айналдым. Шебердің рөлінде қарым-қатынасты, адами келбетті, қарапайымдылықты басымдыққа алып, әр мәселенің өзіндік нәтижесі болатындығына жұмыстану керектігін түсіне жүріп, түсіндіруге тырыстым. Мұғалім мәртебелі мамандық. Мұғалім- практик. Менің мұғалімдік тәжірибем сыныптағы сабақты ұйымдастыру болған болса, бүгін мен сабақты ұйымдастырудың «ақылды» жоспарларын құрудың жолдарын үйретіп жүрмін. Тренерлік қызметімдегі кәсіби маманға айналған тұсым қалыптастырушы бағалаудың маңыздылығына сын көзбен қараған 200-ден аса мектеп басшысы жиналған ортада ойларын өзгерткенім болды. Өзіме «Мен бұны жасай алдым» деген баға бердім. Тренерлік қызметімде деңгейлік курстар, критериалды бағалау, жаңартылған білім беру бағдарламалары және мектепке дейінгі ұйым педагогтеріне курс жүргізуге басымдық берсем, мектеп тренерінің қызметін, аналиткалық құзыреттілікті дамыту бойынша да курстар жүргіздім. Бұл менің кәсіби жетістігім, бұл менің бүгінім еді.