Сабақты жоспарлау және критериалды бағалау

Жаңартылған білім беру мазмұны аясында мұғалімдердің сабақты жоспарлау дағдыларын жетілдіру мақсатында оқу бағдарламаларына шолу жасалынып, сабақта оқу мақсатының маңыздылығын түсінуге мүмкіндік беріліп, оқушылардың сабақ мақсатына жету жолдары қарастырылады. Сонымен қатар, теория мен тәжірибені ұштастыра отырып, сабақ мақсатына және ойлау дағдыларының деңгейлеріне сай бағалау криетрийлерін әзірлеуді, тиімді әдіс-тәсілдерді таңдауды, тапсырмаларды құрастыруды, дескриптор негізінде кері байланысты орнатуды үйренеді. Критериалды бағалаудың теориялық негіздерімен танысып, практикалық тапсырмалар орындайды. Қалыптастырушы бағалауды сабақ үдерісінде тиімді қолданудың түрлі тәсілдерін қарастырады және жиынтық бағалауға арналған тапсырма түрлерін талдап, тапсырмалар құрастыру жолдарын үйренеді.